10 de nov. de 2016

Novas angueiras

 
A primeira tarefa pendente é colocar a pedra que chegou a finais do curso pasado, así que empezamos a construción dun camiño orientado de leste a oeste que vai unir os distintos elementos do xardín.

O empedrado arranca dun extremo da beirarrúa, pasa a rentes da pérgola, do composteiro e da cúpula e vai ir dar ao estanque. 

Para asentar as lastras, ponse por baixo terra e por enriba area, para que asenten. Cómpre facer uso do nivel para que fiquen horizontais e dunha medida fixa  para que a largura sexa uniforme ao longo do camiño. As beiras levan unha fileira de pedra máis grande e no medio aséntanse outras cúbicas máis pequenas.

Na imaxe da dereita o pavimento vai chegando ao liquidambar onde fará outra curva. O largo ten que ser suficiente para que pase unha cadeira de rodas ou un carriño de bebé facendo o paso accesible para todo o mundo.

 Que facer co resto da pedra mentras non se usa? De momento vai soster a estrutura metálica que sempre andaba estorbando. Isto fai xurdir a idea dun xardín vertical. Será posible? Imos ver...

Nenhum comentário: